貓糧

奧運點將錄

游泳
羅雪娟, 中國: 鈍不是罪過, 只要有恒心, 鐵杵磨成針.
北島康介, 日本: 典型日本勵志片主角, 克服身材缺點, 技術壓倒一切, 蛙一步等於別人步半, 頻率又高, 勁! 最羡慕竟然有個AV女友!!
科比, 澳洲: 己過癲瘋之年, 但憑心理質素, 沉著應戰, 一雪前恥.
祖迪亨利, 澳洲: 最大驚喜, 起步慢, 但仍可破世績, 奇人! 樣子甜美, 哈!
菲比斯, 美國: 天生異品, 游極都唔攰. 但最緊要係佢唔會欺場, 次次都做足功夫, 睇佢出場一定聽歌, 用毛巾抹乾起跳台就知佢一絲不苟.

跳水
Tania Cagnotto, 意大利: 樣靚身材好, 技術亦唔差, 如果有個中國教練, 成績應可突飛猛進.
同我一樣, 偶像都係伏明霞.
郭晶晶, 中國: 做左咁耐阿二, 終於吐氣揚眉.
李婷, 中國: 非常唔認真, 成日掛住笑, 如果唔係, 冇理由跳得咁差.

跆拳
陳詩欣, 台灣(唔好叫佢中華台北, 唔該): 十四歲做世界冠軍, 覺得無敵是最寂寞, 離家出走, 做左檳榔西施(唔好誤會, 唔係雞, 只不過要著得性感d), 幾年後浪女回頭, 趁父生日, 再回家認錯, 再奪新界冠軍! 正!
朱木炎, 台灣: 三十年跆拳界奇才, 勁!

乒乓
張怡寧, 中國: 超級冷靜, 心理質素重高過北韓同南韓球手.
李佳薇, 新加坡: 鍾意就鍾意, 無得解!
柳成敏, 南韓: 狠, 準, 快!

排球
陳忠和, 中國: 永遠無鬧人既教練, 球員打失波, 都係傻笑. 同卡寶簡直兩個極端.
賴亞文, 中國: 權力好大既助教, 教練明明要叫暫停, 都可以出手阻止.

田徑
劉翔, 中國: 冇得傾!
刑慧娜, 中國: 放下包袱, 鎖緊對手, 最後衝刺! 不過改善下跑姿可能更好.
美國女子4x100接力隊: 點解接棒咁多年都唔練好? 唉....
舒夫真高, 俄羅斯: 百米欄黑成咁, 隔離線仆倒, 竟然連累自己? 唔喊都奇.

體操
中國隊: 跌成咁, 積極考慮轉變國內訓練及選拔模式, 改善心理質素.
霍爾金娜, 俄羅斯: 想拎返個金牌好好收山都唔得, 悲!

籃球
姚明, 中國: 單天寶至尊, 隊友配合唔到, 幾勁都冇用.
美國男籃: 有實力, 有體力, 但自視過高, 輕視比賽. 抵輸.
中國男籃: 無實力, 無體力, 但都唔俾心機打, 俾佢贏先唔抵.

主持, 評述員, 記者
徐嘉諾, 亞視: 真係乜都識講, 連摔交, 劍擊都講得咁好聽, 全能評述員!
江家良+鍾志光, 無線: 最真情評述組合, "史米洛夫真係好屎喎", "馬林咁迷信, 贏波就唔洗衫? 呢d球員無出色架!" 簡直經典.
葉旋, 無線: 癲婆一名, 不願置評.
謬美詩, 張慧慈, 亞視: 唔好當新聞稿咁讀, 好唔好??

posted by 貓 @ 1:45 pm