貓糧

立亂寫一通

個blog荒廢左成個月, 點到要寫返d野... 如果唔係, 有d只係靠blog認識我既人會以為我死左...

自農曆新年後, 小弟一直忙到癲. 但感覺良好, 起碼有"存在"的感覺.

*********************************

之前睇左"在世界中心呼喚愛", 比想像中差很遠. 可能個trailer剪得太好了, 平井堅首歌又正, 喺roadshow睇差d落淚. 想不到, 到真正入戲院時, 感覺會咁差...

(令我最唔投入既係: 究竟柴崎幸成晚去左邊? 佢未婚夫喺電視見到佢差d俾車撞到, 明明追左出去架, 點解無左下文? 反而走左去回憶? 定係我睇唔明? 請各方好友指點迷津!)

*********************************

電影節又就到, 小弟冇乜心機"刨"本特刊, 於是只係盲目追隨名牌, 揀左幾套名牌導演既戲, 同埋幾套幾有gimmick既, 就算了. 始終, 今年冇學生半價, 唔敢出手太重了.

不過, 仍要推介兩套必看戲:

英瑪褒曼八十五歲力作《夕陽舞曲》. 小弟之前唔知喺邊度聽說遙言, 話佢已經病危, 在孤島上獨居, 甚至失禁! 原來只係遙言!! 呢套戲係佢《婚姻景像》的續集. 小弟之前試過做功課, 翻拍佢其中一段戲, 所以特別對佢有感情...

侯孝賢既《咖啡時光》. 等到頸都長. 希望唔會好似《千禧曼波》咁唔好睇...

*********************************

近日董建華話辭職一事, 令我覺得好迷茫. 迷茫係因為, 總覺得政界中人好似有好多秘密, 就算係民主派都係. 民主派咁快統一口徑話新特首做五年, 而自由黨同民建聯好似反而如在夢中... 真係奇怪. 最奇係, 李柱銘好快回應, 話叫人大釋法, 講明新特首做五年, 之後又離奇收返言論, 真係撲索迷離...

我成日覺得, 雖然冇乜證據... 中央可能同民主派傾過偈, 話我換左董建華, 叫個同你地friend d既煲太曾做特首. 咁樣, 一舉兩得. 你地又可以happy D, 零七零八普選又唔使再堅持落去... 只不過近日要做返場戲, 中央同民主派係都要爭拗下, 拗下兩年定五年既問題... 做戲做全套嘛...

********************************

真係立亂寫一通... 見諒.

posted by 貓 @ 6:21 am