戲院提早收工?
尋晚諗住去睇《死亡寫真》, 但覺得臨時買飛都可以, 所以同朋友施施然食完飯先過去利舞台.我上網睇, 話做九點十既. 我地過到去, 剛好九點十. 但發覺利舞台的兩個售票處都收曬. 嘩! 唔係掛! 咁旺? 全院滿座?
一個掃地阿嬸同我地講: 收曬工啦! 我直覺佢係阿毛, 唔知頭唔知路, 於是行多幾步, 見到一個類似帶位既阿伯, 同佢講: 我地睇死亡寫真架! 阿伯竟然一樣咁話: 都話收曬工囉!
原來, 唔係滿座, 而係冇人睇! 係一個人都冇! 同埋套戲原來係九點半開場, 唔係九點十, 戲院有規矩, 最後一場戲, 開院後十五分鐘冇人買飛, 就可以收工大吉.
咁大個仔, 真係第一次遇到咁既事, 給我兩個反省:
第一, 香港電影市道真係差成咁, 我既前途堪虞.
第二, 天有不測之風雲, 做人唔好太老定, 凡事都係未雨籌謀好d, 睇戲都冇例外.
posted by 貓 @ 11:37 pm
2 Comments:
felix﹐有冇睇過以下呢篇嘢，睇完我覺得兩位導演好小家。如果你miss 咗個日明報 (但都知你睇開)，可再send 返石琪評論俾你︰
23/11刊於蘋果日報同其他報章
彭氏兄弟聲明
我們作為一個電影創作人，務求創作方向不斷創新。但我們更加相信在創新的過程裡，是艱辛的、是冒險的。亦因為這樣，我們亦敢於承擔所有正面及中肯的批評，但近日在某報章上，署名影評人：「石琪」對電影《阿孖有難》的評論，彭氏兄弟對該篇影評絕對質疑！！亦想對一向持平及被受尊重之影評人石琪先生求證，對該篇評論持著甚麼方向及角度？試問作為一個香港電影新晉導演，勇於嘗試新題材，不是值得鼓勵嗎？彭氏兄弟從來沒有認為自己是大導演或電影大師，更認定現有的階段，正處於一個創作摸索期，我們的心只是希望能夠盡力嘗試多方面的創作，為正在委縮的香港電影造出多一些選擇。
該篇影評提及對《阿孖有難》有讚亦有彈，劇種以及內容喜好因人而異，我們由衷接受，但對於文中提及「浪費了蔡卓妍」、以及「彭發的才能只適合拍驚慄片」的兩段字眼，彭氏兄弟不表認同之餘，更感憤怒。難道蔡卓妍在每一套電影裡，只應作可愛打扮，而不能作其他嘗試？同樣地，作為創作人的我們，只能永遠地提供「驚慄片」，不能作其他嘗試？這兩句評論不但扼殺了我們的創作空間，更是反智地不願接受新事物，這與「創作」二字背道而馳！只會令香港電影市場循環出現類同的作品，這實非彭氏兄弟之願。同時，藉著這次寶貴的經驗，我們亦會抱著「不斷創作」的方向，繼續嘗試創作多元化的電影！
現請讓我們重申一點，彭氏兄弟的才能受到國際影評人認同源自2000年的一套泰國電影《Bangkok
Dangerous》(中文譯名：無聲火)，也非石琪先生眼中的驚慄片。
彭氏兄弟篇野我睇過, 應該係宣傳. 但似乎方法用錯了, 白白將自己本來唔錯的brand name, 斷送了.
p.s.你係阿水? 留返個大名好喎.
Post a Comment
<< Home